Whale Cove, NU
ᑎᑭᕋᕐᔫᑉ ᕼᐋᒻᓚᖓ “ᑎᑭᕋᐅᔭᕐᒥᒃ” ᐊᑎᖃᕈᑎᖃᖅᐳᖅ ᑲᓇᑕᐅᑉ ᓄᓇᐃᓐᓇᖓᓂᓯᐅᕐᒪᑦ ᑭᕙᑖᓂᓯᐅᕐᓗᓐᓂ ᕼᐊᑦᓴᓐ ᐸᐃ ᑕᓯᐅᔭᕐᔪᐊᖓᑕ. ᑎᑭᕋᕐᔪᐊᕐᒥᐅᑦ ᐃᓅᓯᖓᑦ ᓄᑕᐅᖏᑑᑉᓗᓐᓂ − ᐱᖓᓱᓐᓂᒃ ᐅᖃᐅᓯᖅᑕᖃᖅᐳᖅ ᐃᓄᒃᑐᑦ ᐃᓕᖁᓯᖅᑕᖃᕐᓗᓂᓗ ᓄᓇᒥᐅᑦ ᐊᒻᒪ ᑕᖕᐅᑉ ᓯᒡᔮᓂᕐᒥᐅᑦ ᐃᓕᖁᓯᖃᐅᕐᒪᑕ.
ᖃᑉᓗᓈᑐᑦ ᐊᑎᖓ ᐅᖁᔨᑦᑎᕐᕕᒃ ᐊᒻᒪ ᐊᑎᖓ ᒥᐊᓱᓐᓂᒃ ᕿᓇᓗᒃᑲᓐᓂᒃ ᑎᑭᕌᕐᕕᐅᓱᕐᓂᖓ ᐊᑎᖃᕈᑕᐅᑉᓗᓐᓂ. ᕼᐋᒻᓚ ᓇᓐᓄᑦ ᐊᑉᖁᑖᓐᓂᓯᐅᕐᒪᑦ ᑎᑭᐸᒃᑐᓪᓗ ᓄᓇᑉ ᐊᓯᐊᓐᓂᑦ ᑕᐅᑐᕋᓐᓈᕈᖕᓇᖅᐳᑦ ᓇᓐᓄᓂᒃ ᓄᓇᓕᒻᒨᓕᐊᖅᑐᓐᓂᒃ
ᑲᐋᒻᒥᐊᒃᑯᑦ ᐱᓕᕆᖃᑎᖃᖅᐸᒃᐳᑦ ᓄᓇᓕᖕᓂ ᓇᖕᒥᓂᓕᖕᓂᒃ ᐊᖅᓴᖅᑎᓐᓂᒃ ᐊᑎᓖᑦ ᐱᓐᔨ ᕼᐋᐸᓈᖅ ᐊᖅᓴᖅᑎᖏᓐᓂᒃ, ᐱᑖᖅᑎᑦᓯᕙᒃᖢᑎᒃ ᓄᑖᓂᒡᓗ ᐊᖅᓴᕈᙱᓐᓂᒃ ᑐᓂᓯᕙᒃᖢᑎᒃ ᓵᓚᒃᓴᖅᑐᓐᓄᑦ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᐃᖃᓗᒑᕐᔫᑉ ᓄᓇᖓ ᒥᕈᐃᖅᓯᕐᕕᒃ − ᐃᓄᐃᑦ ᐃᓕᖁᓯᖏᓐᓂᑦ ᓴᐳᔭᐅᓯᒪᓂᖏᓐᓄᓪᓗ ᐱᒋᐊᖅᑎᑕᐅᓚᐅᖅᑐᖅ ᐊᔨᖏᖏᑑᓐᓂᒃ ᓂᕐᔪᑎᖃᕐᓂᖓᓐᓄᑦ, ᐃᖃᓪᓕᓗᒡᕕᒃᓴᑕᐅᑉᓗᓐᓂ, ᐱᓱᓘᔭᕐᕕᑦᓴᐅᑉᓗᓐᓂ ᐊᒻᒪ ᓯᓂᒃᑕᕆᐊᕐᕕᒃᓴᐅᑉᓗᓐᓂ.
ᑎᑭᕋᕐᔪᐊᕐᒥᐅᑦ ᑎᖕᒥᐅᔭᑎᖏᑦ − ᓄᑖᖅ ᐱᖑᐊᕈᓯᖅ ᑭᕙᓪᓕᕐᒥ ᖃᐃᖅᑐᒻᒥᑦ ᑎᖕᒥᒋᐊᕐᕕᖃᖅᖢᑎᒃ ᖃᖓᑕᓱᖅᑐᑦ ᑲᑖᑉᕕᖃᖅᖢᑎᒃ ᑎᖕᒥᐅᔭᒻᒥᑦ.
