Thompson, MB
ᐊᖏᔪᖅᑕᐅᑉᓗᓐᓂ ᓄᓇᓕᒡᔪᐊᖅ ᒫᓂᑑᐸᐅᑉ ᐅᑭᐅᖅᑕᖅᑐᖓᓐᓂ, ᑕᐋᒻᓴᓐ ᐱᒋᐊᓚᐅᖅᓯᒪᕗᖅ ᓄᓇᖁᑎᒋᔭᐅᑉᓗᓐᓂ. ᓂᓯᓴᕙᔭᓰᒃ ᐅᓇᓖᑦ ᓄᓇᖁᑎᖓᓐᓂ, ᑭᖑᓂᖓᓐᓂ ᒥᖁᓕᖕᓄᑦ ᓂᐅᕕᕆᐊᕐᕕᐅᓕᕆᑉᓗᓐᓂ. ᑕᐋᒻᓴᓐ ᓄᓇᖃᖅᖄᖅᑐᓐᓄᑦ ᐱᒋᐊᐸᓕᐊᔪᑕᐅᓚᐅᖅᐳᖅ ᑭᖑᓂᖓᓂᓗ ᐅᔭᕋᒃᑕᕆᐊᖅᑖᕐᖢᓐᓂ 1950 ᐊᑐᓕᖅᑎᓪᓗᒋᑦ.
ᐅᑉᓗᒻᒥ ᑕᐋᒻᓴᓐ ᐅᕐᓂᒐᐅᓱᖅᐳᖅ ᐅᑭᐅᑕᒫᑦ. ᐊᒥᓱᓐᓂᒃ ᓱᓕᕆᐊᒃᓴᖅᑕᖃᖅᐳᖅ ᑕᐋᒻᓴᓐᒥ ᐊᐅᔭᒻᒥ ᐃᖃᓗᒃᓯᐅᕐᕕᐅᑉᓗᓐᓂ ᓵᓚᒃᓴᕐᕕᐅᕙᒃᖢᓂᓗ ᐊᖏᔪᖅᑕᓐᓂᒃ ᐃᖃᓗᒃᑐᖃᕌᖓᑦ ᐅᕙᓘᓃᑦ ᐊᓇᐅᓕᒑᕐᕕᐅᑉᓗᓐᓂ ᐊᖅᓴᑦᓈᓂᒃ. ᐅᑭᐅᒻᒥ ᓯᑭᑑᕈᖕᓇᖅᐳᑦ ᐊᒥᓱᓐᓂᒃ ᐊᑉᖁᑎᑕᖃᕐᒪᑦ ᓯᑭᑑᓐᓄᑦ ᒥᕈᐃᖅᓯᕐᕕᖕᒧᓕᐊᖅᑐᓐᓂᒃᓗ, ᖄᒻᒥᓗ ᓯᑐᕋᐅᔭᕐᕕᒃᑕᖃᕐᓗᓐᓂ ᐊᒻᒪ ᓯᑮᑉᕕᒃᑕᖃᕐᓗᓐᓂ
ᑲᐋᒻᒥᐊᒃᑯᑦ ᐱᓕᕆᖃᑎᖃᔪᖕᒪᑕ ᐊᒥᓱᓐᓂᒃ ᑎᒥᐅᔪᓐᓂᒃ ᑕᐋᒻᓴᓐᒥ, ᓄᓇᓕᖓ ᐃᓚᐅᑉᓗᓐᓂ, ᑐᔪᕐᒥᔪᑦ ᑎᑭᑦᑑᓗᐊᖁᑉᓗᒋᑦ ᐅᑭᐅᖅᑕᖅᑐᑉ ᓱᓕᕆᑉᕕᖓᓐᓄᑦ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᐴᕆᐅᓪ ᓇᐹᖅᑐᓕᖕᒥᐅᑦ ᓇᓂᓯᕐᕕᖓ − ᓄᓇᑐᖃᖓᓐᓂᓯᐅᖅᑐᖅ ᓂᓯᓴᕙᔭᓰᒃ ᐅᓇᓖᑦ ᓄᓇᖁᑎᖓᓐᓂ, ᐃᓕᓐᓂᐊᕐᕕᒃ ᐊᑭᖃᖏᑐᓐᓂᒃ ᐃᓕᓐᓂᐊᖅᑎᑦᓯᓱᖅᑐᖅ ᐱᓕᕆᓂᕐᒥᒃ, ᐊᐳᒻᒥᓗ ᐱᓱᒍᙱᓐᓂᒃ ᐊᑐᖅᑐᐊᕐᕕᐅᑉᓗᓐᓂ ᐃᓕᓂᐊᕈᖕᓇᖁᔨᑉᓗᑎᒃ ᐱᕈᖅᑐᓐᓂᒃ ᓂᕐᔪᑎᓂᒡᓗ ᓄᓇᖓᓐᓂ.
ᐸᐃᓐᑦ ᓚᐃᒃ ᒥᕈᐃᖅᓯᕐᕕᖓ − ᐊᒥᓱᓐᓂᒃ ᕿᑭᖅᑕᓕᒃ ᐊᒻᒪ ᑰᒃᑕᖃᕐᓂᖓᓐᓄᑦ, ᓯᓂᒃᑕᕐᕕᐊᐅᖅᖢᓂᓗ ᐊᒪ ᒪᕈᖕᓂᒃ ᓯᓚᐃᓐᓇᕐᒥ ᓄᖃᖓᑉᕕᖃᖅᖢᓐᓂ ᓯᓂᒃᑕᕐᓗᓐᓂ.
