Chesterfield Inlet, NU
ᐊᑎᖃᕈᑎᖓᑦ ᐊᒥᓱᓐᓂᒃ ᐃᒡᓗᑕᖃᕐᓂᖓᓐᓂᒃ ᓄᑕᐅᖏᑐᖅᑕᖅ ᓄᓇᓕᐅᔪᖅ ᐅᑭᐅᖅᑕᖅᑐᒻᒥ ᑕᐃᒪᖓᑦ ᓄᓇᓕᖑᖅᑎᑕᐅᓚᐅᖅᑐᖅ 1900 ᐊᑐᓕᓵᖅᑎᓪᓗᒋᑦ. ᐊᒥᓱᓄᓪᓗ ᐱᒋᐊᕐᕕᐅᓯᒪᔪᖅ ᑲᑎᒪᔨᓐᓂᒃ ᐊᔨᖐᖏᑐᓐᓂᒃ. ᓂᐅᕕᖅᑎᑦ ᕼᐊᑦᓴᓐ ᐸᐃᒃᑯᑦ ᐃᓄᖕᓂᑦ ᓂᐅᕕᖅᑕᖅᐸᔨᐊᖠᒪᐅᕐᒪᑕ ᑎᖕᖓᓂᐊᓐᓂᒃ, ᐃᒃᓯᕋᕐᔪᐃᑦ ᓯᕗᓪᓕᕐᒥᒃ ᐃᓕᓐᓂᐊᕐᕕᒃᑖᓚᐅᖅᐳᑦ ᐃᓄᖕᓄᑦ, ᑏᐴ ᕿᑭᖅᑕᖓᓐᓂ ᐃᓗᕕᖅᑕᖃᖅᖢᓐᓂ ᐊᕐᕕᖅᓯᐅᖅᑎᕕᓂᕐᓂᒃ ᐊᒥᓲᓗᐊᖅᑐᓐᓂᒃ ᐊᕐᕕᖅᑕᕐᓂᖏᓐᓄᑦ ᐱᑕᖃᕈᖕᓇᐃᕐᓗᓐᓂ.
ᑑᓕᒃᑯᑦ ᐱᖁᑎᕕᓂᖏᓐᓂᒃ ᐱᑕᖃᖅᐳ ᓱᓕ ᐅᑉᓗᒥᐅᓕᖅᑐᖅ ᐃᓄᐃᑦ ᐃᓕᖁᓯᖃᕐᓗᑎᒃ ᓯᕗᓕᕕᓂᖏᓐᓂᑦ ᑕᑯᔭᒃᓴᐅᑉᓗᑎᒃ ᐱᓱᒡᓗᓐᓂ ᐅᖓᓯᓗᐊᖏᒪᑕ ᐅᑭᐅᓐᓂᒃ ᐊᒥᓱᓐᓂᒃ ᐱᑕᖃᓚᐅᕐᒪᑕ.
ᑲᐋᒻᒥᐊᑯᑦ ᐱᓕᕆᖃᑎᖃᖅᐸᖕᒪᑕ ᓄᓇᓕᖕᒥ ᑎᒥᐅᔪᓐᓂᒃ ᑎᑭᑎᑦᓯᑉᓗᑎᒃ ᕙᐃᓐ ᐹᐱᑦᔅ ᕼᐋᑭᖕᓂᕐᒥᒃ ᐃᓕᓐᓂᐊᖅᑎᑦᓯᔨᖏᓐᓂᒃ ᓄᓇᓕᖕᒥ ᓄᑕᖃᑦ ᐃᓕᓐᓂᐊᖅᑎᑕᐅᑉᓗᑎᒃ ᕼᐋᑭᖕᓂᕐᒥᒃ ᐊᒪ ᓯᐊᕆᔮᖃᑎᖃᕈᖕᓇᕐᓗᑎᒃ ᕼᐋᑭᒃᑎᓪᓗᐊᕕᖕᒥᒃ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᐃᒡᓗᓕᒑᕐᔫᑉ ᐊᑉᖁᑎᑐᖃᖓ − ᖃᖓᔪᐊᖅ ᐊᑐᒐᐅᑕᓕᖅᑐᖅ ᐊᑉᖁᑦ ᓄᓇᓕᒃ ᐱᒋᐊᓵᖅᑎᓪᓗᒍ, ᖃᔭᕐᓄᑦ ᑐᖓᕕᒃᑕᓕᒃ, ᐊᒻᒪ ᖃᕐᒪᕕᓂᖅᑕᖃᕐᓗᓐᓂ.
ᐃᖃᓗᒑᕐᔫᑉ ᓄᓇᖓ ᓄᓇᕘᒻᒥ ᒥᕈᐃᖅᓯᕐᕕᒃ − ᑕᒻᓇ ᒥᕈᐃᖅᓯᕐᕕᒃ ᐅᖓᓯᖕᓂᓕᒃ 90 ᑭᓛᒥᑐᒡᒥᒃ ᐃᒡᓗᓕᒑᕐᔫᑉ ᓂᒋᐊᓐᓂ ᐱᑕᖃᑎᐊᖅᖢᓐᓂ ᓂᕐᔪᑎᓐᓂᒃ ᐊᔨᖐᖏᑐᓐᓂᒃ ᓇᓐᓄᓂᒃ, ᑐᒃᑐᓐᓂᒃ ᐊᒻᒪ ᑎᕆᖓᓂᐊᓐᓂᒃ.
